கவிஞர் எழுத்தாளர் தயாநிதிஎழுதிய நீளட்டும் கரங்கள்...!

வழங்கிய கரங்களின்

வாரிசுகள்...

வீர மறவர்களின்

தீப்பொறிகள்.

சாவினைத் தழுவிய

சந்தன மேனியரின்

பிள்ளைகள்...!

நாதியற்றோராய்

வீதிக்கு விரட்டப்

பட்டோராய்

பட்டுப் போன தமிழ்

சமூகத் தளைகளாய்

எங்களால் கை

விடப்பட்டோராய்.

அடையாளம் இழந்த

அநாதைகளாய்...!

மாவீரர் குடும்பம்

மாமனிதர் குடும்பம்

நாட்டுப் பற்றாளர்

குடும்பம் என

நாமம் சூட்டி

போற்றிப் பாடியவர்

நாம் அவர்கள்

நாமம் மறந்தவராகிட

காவல் தெய்வங்களின்

குடும்பம் தெருவில்..

எல்லாம் மறந்தோம்.!

அச்சத்துக்கு ஆணியடித்த

மறவரால் விடுதலைக்கு

அச்சாணியேறியது.

துஞ்சாமல் துவளாமல்

நெஞ்சை நிமிர்த்தி

அணிவகுத்தோரின்

அடையாளங்கள்

அவமானதோ..!

உறவுக்கு பிச்சை

உணர்வுக்கு பிச்சை

எழுச்சிக்கு பிச்சை

அறிவுக்கு பிச்சை

உயிருக்கும் பிச்சை

வயிற்றுப் பசிக்கும்

பிச்சை பிச்சையாகி

பிய்ந்து போகின்றனர்.

எங்கள் கரங்கள் நீண்டால்

அவர்கள் கரங்கள் சுருங்கும்.

எமது தேச உணர்வுடன் ஆக்கம்  கவிஞர் எழுத்தாளர் தயாநிதி

குமுதினி ரமணன் எழுதிய சிறகிழந்த பறவைகள்

எதிரி சண்டையிட்டும் வீழ்த்த முடியாத

கர்வம் மிகுந்த வீரப் பறவைகள்.

வேடன் இட்ட சதி வலையில்,

சிறகுகள் வெட்டப்பட்டு

வேடன் வகுத்த தனி வழியில்

குவியல் குவியலாக

இறக்கை வேறு உடல் வேறு

முண்டம் வேறு பிண்டம் வேறாக

பாதை எங்கும் கண் பெற்ற பாவமாக காட்சிகள்.

உடலோடு உயிர் மோதி துடிக்கும் வலியை

அணுவணுவாக அனுபவத்தபடி, தன்

உயிர் விட்டு விடும் இறுதி வழியும் தெரியாமல்

தன் இரண்டு குஞ்சுகளும் தன் கண் முன்னே தொலையக்கண்டு

பதறி துடித்து கதறி அழுதும் ஆறுதல் இன்றி

நட்பும் பறவையும் நன்றிப் பறவையும் தம் நினைவற்றுப் போக

துரோகம் தந்த வலியோடு புதைக்கப்படாத

உடலோடு உயிர் வேண்டா வலியோடு

இன்னும் கூண்டுகளில்.

எமது தேச உணர்வுடன்

ஆக்கம் குமுதினி ரமணன்  யேர்மனி:

மஞ்சு மோகன் எழுதிய அப்பா வருவாரென்ற நினைவுடனே .....?????

புரையேறிய தமிழர்நாம்,

புலம்பெயர்ந்தோம் நாமெங்கும்.

புரட்சி புரட்சி என்று கூவி,

புலம்பி அலம்பி திரிகிறோமிங்கும்

கொடிபிடித்து கோஷம் எழுப்பி !

கோழைகளாய் வாழ்ந்து - இன்று

பூசைகளும் புனஸ்காரங்களும்,

புண்ணியமதைச் சேர்ந்திடுமா?

அப்பா வருவாரென்ற நினைவுடனே,

அங்கே அன்புச் செல்வங்கள்.

இருக்கிறாரா? இல்லையா? என்ற 

எதிர்பார்ப்புடனே ஏங்கும் இதயங்கள் ! 

இருந்தும் இறந்துகொண்டிருக்கும்,

இளவுள்ளங்கள்தான் ஏராளம்.

அனாதைகளாக இன்று தவிக்கும்,

அவலங்கள் நாட்டில் தாராளம்.

கொன்று குவித்தபோது - அந்த 

கோரவலி கண்டோமா?

நின்று தவித்தபோது - வந்து

நிமிர்ந்து பார்த்தோமா? 

கண்களிருந்தும் குருடர்களானோம்!

கனவுகளிலேனும் வலிகள் கொண்டோமா? 

காதுகள் கேட்டும் செவிடர்களானோம்!

கதைகளில்தானும் துயரம் கண்டோமா?

எத்தனை வலிகள்? உயிர்துடிக்க,

எதனை உணர்ந்தோம் இங்கிருந்து?

எத்தனை வடுக்கள்? உடல்நெரிய,

எதனைப் பயனாய்ச் செய்தோம்

தெரிந்து?

எத்தனை விடுப்புக்கள் நாம் கேட்டோம் 

அனைத்தையும் கடந்து வந்தவனை 

கழித்து தானே விடுகின்றோம்

நாங்கள் கடந்து பயணிப்போம் 

மீண்டும் மீண்டும் பல வைகாசிகளை 

அப்போதும் 

பகட்டுக்கு ஒரு பூஜை 

சகட்டுக்கு ஒரு அனுஷ்டிப்பு....

 தேச உனர்வுடன் மஞ்சு மோகன் 

கவிஞர் ரி.தயாநிதியின் அனாவசிய முகங்கள்.

திசை மாறும்

உலகில்

தினம் மாறும்

முகங்கள்.

வசை பாடும்

சில முகங்கள்

மனம் முறிக்கும்

சில முகங்கள்.

நவரச நாட்டிய

முகங்கள்

களி நடன

முகங்கள்.

அன்பு கருணை

சாந்த முகங்கள்.

இரக்கம் ஈதல்

கொண்ட முகங்கள்.!

இன்று அடிக்கடி

உருமாறும்

பல முகங்கள்.

கோபம் கொடூரம்

வன்மம் அதர்மம்

வஞ்சம் சூது

காமம் குதர்க்கம்

என நாற்றமெடுக்கும்

திருமுகங்கள்...!

அறியாத முகம்

அறிமுகமாகும்

இக்காலம்

இன்னல்களின்

அறுவடைக்காலம்

இயல்பை விரட்டி

இன்பம் இழக்கும்

அநாவசிய முகங்கள்

வசமானோம்.!

ஆக்கம் கவிஞர் 

எழுத்தாளர் ரி.தயாநிதி

முல்லைத்தீவில் 'சொற்கணை' 14.5.2016. வெற்றி பெற்றது வித்தியானந்தா.

முல்லைத்தீவில் 'சொற்கணை' 14.5.2016.
வெற்றி பெற்றது வித்தியானந்தா.

- வே.முல்லைத்தீபன்

**************************************************

மொரட்டுவ பல்கலைக்கழக தமிழ் இலக்கிய மன்றத்தினரால் 'சொற்கணை' எனும் விவாதப் போட்டி ஒன்று.. 
மு/புதுக்குடியிருப்பு மத்திய கல்லூரியில், முல்லைத்தீவு மாவட்ட பாடசாலை மாணவர்களிடையே நடைபெற்றுள்ளது. 

வெற்றி பெற்ற அணிக்கு..
எழுத்தாளர் ஜெயமோகன், எழுத்தாளர் நாஞ்சில் நாடன், கவிஞர் பா.விஜய், கவிஞர் தாமரை, ஆகியோரது வாழ்த்துக் கையெழுத்துடனான அவர்களது புத்தகங்களே வழங்கப்பட்டன. தொடர்ந்து 25 மாவட்டங்களிலும் வெற்றி பெறும் அணிகளுக்கும் வழங்கப்படவுள்ளன.

அகில இலங்கை சொற்கணை ஒருங்கிணைப்பாளர் சிவகுமாரன் கௌதமனின் தலைமையில்.. முல்லை மாவட்ட சொற்கணை ஒழுங்கமைப்பாளர் சசிவர்மன் மற்றும் மொ.ப.க.கழக மாணவர்களினால் இப் போட்டி நிகழ்வுகள் நடைபெற்றன.

பிரதம விருந்தினராக முல்லை வலய கல்விப் பணிப்பாளர் திருமதி முனீஸ்வரன் கலந்திருந்ததோடு.. அதிபர்களான செல்வநாயகம், இரவீந்திரன், ஏகாம்பரம் ஆகியோருடன் பல பாடசாலை ஆசிரியர்களும் கலந்து கொண்டனர்.

மொ.ப.க.கழக 40 வருட தமிழ் இலக்கிய செயற்பாடுகளுடன்.. அதன் அண்மைக்கால நிகழ்வுகள் வீடியோ மூலம் காட்சிப்படுத்தப்பட்டன.

வருடம் ஒன்றில்.. 
* சொற்கணை விவாதப் போட்டி 
* ஒளிச்சுவடி ஒளிப்படப் போட்டி 
* இலக்கிய கலை விழா 
என்பவற்றை இவர்கள் நடாத்தி வருகின்றனர். இம்முறை அகில இலங்கை ரீதியாக இப் போட்டிகளை நடாத்த திட்டமிட்டுள்ளனர்.

சொற்கணை 2016 விவாதப் போட்டியில்..
* 1ம் இடம் 
மு/வித்தியானந்தா கல்லூரி 
* 2ம் இடம் 
மு/ முல்லைத்தீவு ம.வி
* 3ம் இடம் 
மு/ புதுக்குடியிருப்பு ம.க

ஆகிய அணிகள் மேற்படி சொற்கணை விவாதப் போட்டியில் (14.15.2016) வெற்றி பெற்றிருக்கின்றன. 

இறுதிப் போட்டி தவிர சகல சுற்றுக்களும் காலையிலிருந்து மாலை வரை 4,5 அமர்வுகளாக மூடிய அரங்கில் தொடர்ச்சியாக நடைபெற்றிருந்தது. 

மிகத் துடிப்புடன் செயற்பட்ட இளவல்கள்.. முடிவுகளை திரைச்சீலை மூலம் உடனுக்குடன் அறிவித்தபடி போட்டிகளை வேகமாக நடாத்தியிருந்தனர்.

மாணவர்களுக்கான மதிய உணவும் வழங்கப்பட்டதுடன்.. கலந்து கொண்ட மாணவர்களுக்கு சான்றிதழ்களும் நடுவர்களுக்கான நினைவுப் பரிசுகளும் வழங்கப்பட்டன.

தொடர்ச்சியாக இப்பேற்பட்ட அமைப்புக்களால், எமது மாவட்டத்தின் மாணவர்களிடையே கலை இலக்கியத்தை தூண்டக்கூடிய செயற்பாடுகள் நடைபெறுமானால்.. தேவையற்ற சிந்தனைகளிலிருந்து அவர்கள் விலகி இருக்கும் சூழல் தானாக உருவாகும் என்பதில் ஐயமில்லை.

கவிக்குயில் சிவரமணியின் நீ......

புரியாத உறவு 

தெளியாத மனம் 

வரமானபோதும்

பேதமையில் நீ

குழம்பிய குட்டை

கலங்கிய மனம் 

கள்ளமில்லகுணம்

கண்மணி நீ

வார்த்தையில் வாள்

அர்த்ததில் தேள் 

ஆனாலும் கனியும் மனம் 

அன்பின் அறிவிலி நீ

பாசத்தை கூறுபோட்டு 

நேசத்தை அளவுபோடும்

நிச்சிலம் இல்லா தினம்

நிம்மதி இழப்பு நீ

பழி எங்கோ 

பாவம் எங்கோ 

பரிதவிப்பில் ஒருமனமோ 

பந்தாடுவது நீ

நீ எப்படியோ 

நான் இப்படியே 

எப்பவும் இபபடியே

இதுதான் நான்

இயல்பாய் இல்லை நீ

ஆக்கம்  கவிக்குயில்  சிவரமணியின்

கவித்தென்றல் ஏரூர்‎ எழுதிய மலையாள பொன்மயிலே

மலையாள பொன்மயிலே

மச்சானை மயக்காதே பார்வையிலே

சிரிச்சாலே சிதையுதடி என் வயசு

சிவப்பாக மாறுதடி என் மனசு

வெண்மை திரட்டி பிரம்மன் படைத்தானோ - உந்தன்

வேர்வைத்துளிக்கும் வெளிச்சம் கொடுத்தானோ

வீம்பு பண்ண உன்னை படைத்தானோ - அந்த

பிரம்மன் உந்தன் மச்சானோ

விலங்கிட்டு பார்வையிலே

விறகிட்டு என்னை எரிப்பவளே

விண் விட்டும் தாவுகிறேன்

விடையொன்று தா என்னவளே 

உசிர உருக்கும் வித்தைக்காரி

உறையும் ரத்தம் கூட பித்துத் தான்டி

உடல் முழுக்க முத்துத் தான்டி 

உனை மணக்க சுத்து வேன்டி....

ஆக்கம்கவித்தென்றல்